Стапката на стакленички емисии бележи рекорден пад во 2019 година, и е на најниско ниво во последните триесет години, објави денеска Европската Комисија.
Ова претставува намалување од 27 отсто на штетните емисии на гас во споредба со 1990, референтната година за климатските стратегии во светот, стои во годишниот извештај за климатска акција на Европската Унија кој го мери прогресот на климатските цели на 27-те земји членки на Унијата.
Потпретседателот на Европската Комисија задолжен за климатските прашања, Франс Тимерманс, по овој повод изјави дека ЕУ докажа дека е возможно да се намалат стакленичките гасови ако се вложи напор во тоа.
Меѓутоа, додава тој, денешниот извештај повторно покажува дека треба да ги зголемиме напорите во сите области на економијата за да ја постигнеме нашата цел на климатска неутралност до 2050 година. Транзицијата е изводлива доколку ги почитуваме заложбите и ги зграпчиме можностите за закрепнување на економијата на позелен начин создавајќи здрава иднина за сите.
Доколку ја превземете оваа содржина, Вие ги прифаќате Услoвите за Користење на порталот ДНЕВНИ НОВОСТИ.
