Еврокомесарката за внатрешни работи задолжена за миграција, Илва Јохансон и честиташе на Албанија за постигнатиот напредок, особено во последната година, за прашања поврзани со правдата и внатрешните работи, безбедноста и миграцијата.
За мене е задоволство да бидам во Тирана по поканата што ми беше упатена и отворената и искрена дискусија со премиерот Еди Рама. Разговаравме за многу работи, но една од главните пораки што ги дадов тука е да и честитам на цела Албанија за нејзините достигнувања, особено во текот на минатата година, во безбедноста и миграцијата. Текот и напредокот на Албанија минатата година е многу добар и затоа беше одлучено да се отворат преговори и во декември видовме дека се исполнети сите услови за првата меѓувладина конференција, рече Јохансон.
Таа ја истакна потребата од подобра полициска соработка и сузбвање на криминалот во земјата.
Албанија и ЕУ имаат соработка со сите агенции во областа на правдата и внатрешните работи. Тоа е модел што сакаме да го повториме во сите земји од Западен Балкан. Задоволна сум и од големите реформи во земјата, како што се судските реформи и законот за азил кој Албанија успеа да ги донесе. Се разбира, постојат многу области за подобрување. На пример, проблемот со неоснованите апликации за азил во некои од земјите-членки на ЕУ, рече комесарката.
Таа се осврна и на изборите на 25 април, нагласувајќи дека сите партии мора да преземат одговорност и да го имаат предвид интегритетот на кандидатите кои ќе се најдат на кандидатските листи.
Еврокомесарката се сретна и со шефот на државата Илир Мета, кој по средбата објави дека имале „отворен и плоден разговор околу итните предизвици на европскот пат на Албанија“.
И се заблагодарив за сеопфатната поддршка што ЕУ и ја дава на нашата земја, вклучително и спречување и управување со илегалната имиграција преку соработка со Фронтекс. Ја истакнав важноста што ќе ја има спроведувањето на слободни и фер избори за европскиот пат на Албанија, истакна Мета.
Тој посочи дека „по изборите на 25 април 2021 година, организираниот криминал ќе добие решавачки удар и Албанија ќе се врати на колосекот на владеењето на правото и целосното почитување на човековите права“.
Доколку ја превземете оваа содржина, Вие ги прифаќате Услoвите за Користење на порталот ДНЕВНИ НОВОСТИ.
